Liverpul PSJ yulduzi uchun ilk taklifni tayyorlamoqda

Ayni kunlarda Angliyaning "Liverpul" klubi Parij "Sen-Jermen" jamoasining yosh va istiqbolli futbolchisi Brdli Barkola transferini yaqinlashtirish uchun harakat qilayotgani haqida xabarlar tarqalmoqda. Matbuotda chop etilgan ma'lumotlarga ko'ra, "qizillar" rahbariyati futbolchining vakillari bilan muzokaralar olib borgan va endilikda PSJ darvozasiga ilk rasmiy taklifni yuborishga tayyorgarlik ko'rmoqda.

23 yoshli Barkola o'zining tezkorligi, dribling mahorati va gol urish qobiliyati bilan ko'plab Yevropa grandlarining e'tiborini tortgan. Aytilishicha, futbolchi o'zi ham Angliya Premyer-ligasida o'ynashga jiddiy qiziqish bildirmoqda. Bu esa "Liverpul" uchun qo'shimcha plyus bo'lib xizmat qilishi mumkin.

PSJ esa Barkolani osonlikcha qo'yib yubormoqchi emas. Manbalarning ta'kidlashicha, parijliklar uni taxminan 145 million funt sterlingga baholashmoqda. Bu esa transferning narxi bo'yicha ham jiddiy muzokaralar bo'lishidan darak beradi. "Liverpul" murabbiyi Andoni Iraolaning jamoaga yangi, ishonchli vinger qo'shish borasidagi istagi ham bu transferni yanada jiddiylashtirishi kutilmoqda.

Ma'lumot uchun, avvalroq "Liverpul" PSJning boshqa bir vingeri Yan Diomande transferini ham ko'zlagan edi, ammo bu transfer amalga oshmaydigan bo'ldi. Chunki Diomande "Real Madrid"ga o'tishga yaqin turibdi. Shu sababli, Barkola endilikda "qizillar"ning asosiy nishoniga aylangan.