Bredli Louri xotirasini haqorat qilgan 14 yoshli bola politsiyaga taslim bo'ldi

«Koventri» hamda «Sanderlend» jamoalari ishtirokidagi uchrashuv vaqtida yuz bergan noxush holat futbol jamoatchiligida keskin e'tirozlarga sabab bo'ldi. O'yinda «Sanderlend»ning vafot etgan yosh muxlisi Bredli Lourining surati bilan raqiblarni masxara qilgan 14 yoshli o'smir Vest-Midlend politsiyasiga o'zi kelib taslim bo'ldi.<br><br>Ijtimoiy tarmoqlarda e'lon qilingan videotasvirda «Koventri» tarafdori bo'lgan yosh yigitning Louri suratini ko'rsatib, noo'rin xatti-harakatlar qilgani aks etgan. Shundan so'ng huquq-tartibot idoralari zudlik bilan ish bo'yicha surishtiruv harakatlarini boshladi.<br><br>Eslatib o'tamiz, «Sanderlend»ning sodiq mitti muxlisi bo'lgan Bredli Louri bolalar saratonining kam uchraydigan turi bilan kurashib, 2017-yilda olti yoshida vafot etgan va butun jahon futbol olamining mehrini qozongan edi.