Chempionship: «Linkoln» «Sauthempton» bilan durang o'ynadi, «Stok Siti» yirik g'alabaga erishdi

Angliya Chempionshipining navbatdagi turida qator qiziqarli natijalar qayd etildi. Chempionshipning asosiy da'vogarlaridan biri sanalgan «Sauthempton» mehmonda «Linkoln» bilan 1:1 hisobidagi durangga imzo chekdi.

Birinchi bo'limning so'nggi daqiqalarida Uelington o'zining kuchli zarbasi bilan «avliyolar» safidagi debyut golini kiritib, hisobni ochgan edi. Biroq uchrashuv yakunlanishi arafasida maydon egalarining rekord darajadagi transferi Mikkel Ladefoged ingliz futbolidagi ilk golini urib, «Linkoln»ni mag'lubiyatdan qutqarib qoldi.

Turning boshqa uchrashuvlarida «Stok Siti» o'z maydonida «Charlton» darvozasiga javobsiz to'rtta to'p kiritib, 4:0 hisobidagi yirik g'alabani nishonladi. «Preston» esa «Blekbern» ustidan g'alaba qozonib, ushbu mavsumdagi dastlabki ochkolarini qo'lga kiritishga muvaffaq bo'ldi.