Daniel Kretinski «Vest Hem»ning eng yirik aksiyadoriga aylanmoqda

«Vest Hem» klubi boshqaruvida yirik o'zgarishlar yuz bermoqda. «Royal Mail» kompaniyasi egasi Daniel Kretinski Devid Sallivan bilan kelishuvga erishib, London klubining eng yirik aksiyadoriga aylanish arafasida turibdi.

Ushbu kelishuv Amanda Steyvlining klub aksiyalarini sotib olish borasidagi umidlariga jiddiy zarba bo'ldi. Avvalroq «Nyukasl» direktorlar kengashida ishlagan britaniyalik ishbilarmon ayol Vanessa Goldning «Vest Hem»dagi 25,1 foizlik ulushini xarid qilishga harakat qilayotgan edi. U iyul oyida Goldlar oilasi bilan kelishuvga erishgan va klub boshqaruv kengashiga kirish uchun konsorsiumga boshchilik qilayotgan edi.

Steyvli yaqinda «Vest Hem»ning «Vulverhempton» ustidan qozongan 4:2 hisobidagi g'alabasini bevosita «London Stedium» arenasidan kuzatgan edi. Biroq Kretinski va Sallivan o'rtasidagi so'nggi bitim klubdagi kuchlar muvozanatini butunlay o'zgartirib yubormoqda.