Deklan Rays "Arsenal"ning xavotirlariga qaramay bir mavsumda 60 ta o'yin o'tkaza olishini aytdi

"Arsenal" yarimhimoyachisi Deklan Rays joriy mavsumda yana 60 tadan ko'p bahsda qatnashish uchun jismoniy imkoniyatlari yetarli ekanini ta'kidladi. Klub esa yarimhimoyachining Jahon chempionatida og'riq bilan o'ynaganidan so'ng uning jismoniy holatidan xavotirda.

O'tgan mavsumda "Arsenal" va Angliya terma jamoasi safida jami 69 ta uchrashuvda maydonga tushgan Rays bel va tizzaosti payidagi bezovtalik sababli og'riq qoldiruvchi ukollar olganini ma'lum qilgan edi.

27 yoshli futbolchi bor-yo'g'i uch haftalik ta'tildan so'ng, "Superkubok" (Community Shield) bahsiga bir hafta qolganida mashg'ulotlarga qo'shilgan. Shu sababli, "kanonirlar" tibbiy va murabbiylar shtabi uning yuklamalarini qat'iy nazorat ostiga olgan.