Google kichik biznes egalari uchun yangi Gemini vositalari va maxsus markazni taqdim etdi

Google kichik biznes egalari va tadbirkorlar uchun Gemini imkoniyatlarini kengaytiruvchi yangi vositalar to'plamini taqdim etdi. Ushbu yangilik orqali kundalik yumushlar, marketing, moliya va mijozlar bilan ishlash jarayonlarini yagona markaziy interfeys orqali avtomatlashtirish ko'zda tutilgan. Yangi xususiyatlar yaqin kunlar ichida global miqyosda barcha Gemini foydalanuvchilariga bosqichma-bosqich taqdim etiladi.

Asosiy yangilanishlardan biri — biznes vizuallari va brending vositalaridir. Foydalanuvchilar o'z sayti havolasi, shriftlar, ranglar palitrasi va brend qoidalarini bir marta tizimga yuklash orqali yangi mahsulotlar hamda marketing kampaniyalari uchun mos dizaynlarni avtomatlashtirishi mumkin. Bunda Google’ning yangi Nano Banana 2.1 tasvir yaratish modelidan foydalaniladi va Gemini berilgan uslubni doimiy ravishda eslab qoladi.

Moliya bo'limida esa Gemini chalkash jadvallar, xarid cheklari va hisobot ma'lumotlarini soniyalar ichida tushunarli grafiklar hamda interaktiv modellarga aylantirib beradi. Bu kichik biznes egalariga hisob-kitoblarni tahlil qilishda vaqtni tejash va tabiiy tilda xulosalar olish imkonini beradi.

Shuningdek, platforma Google Business Profile, Google Ads va Google Workspace bilan birga Adobe, Canva, Dropbox, Shopify, Wix, Zoho hamda Xero kabi uchinchi tomon dasturlari bilan to'g'ridan-to'g'ri integratsiyani qo'llab-quvvatlaydi. Google bergan ma'lumotlarga ko'ra, hozirda o'n millionlab kichik korxonalar rejalashtirish va tahlil qilish uchun ushbu sun'iy intellekt xizmatidan foydalanmoqda.