Google real vaqtda fikrlovchi Gemini 3.8 Live va Extended Thinking modellarini chiqardi

Google kompaniyasi ovozli muloqotni yanada tabiiy va intellektual darajaga olib chiquvchi Gemini 3.8 Live hamda Gemini 3.8 Live Extended Thinking modellarini taqdim etdi. Ushbu yangi avlod modellari suhbatdosh nutqini bo'lmasdan muloqot qilish, ko'p tilli muhitda tezkor moslashish va real vaqtda parallel fikrlash qobiliyatiga ega. Modellar allaqachon Gemini API, Google Workspace ilovalari (Docs Live, Gmail Live, Keep Live) hamda Gemini dasturi orqali foydalanuvchilarga taqdim etildi.

Gemini 3.8 Live modeli real vaqtda vizual ma'lumotlarni qabul qilib, suhbat davomida 97 ta tilni avtomatik aniqlash va tillararo uzluksiz o'tish imkoniyatini taqdim etadi. Model suhbat jarayonini to'xtatmagan holda orqa fonda API va tashqi vositalarni mustaqil ishga tushiradi. U jonli vizual tahlil orqali shaxmat o'ynash, yangi xodimlarni o'qitish yoki ovozli so'rov asosida marketing va biznes-rejalar tuzish kabi ishlarni bajara oladi.

Murakkab mantiqiy jarayonlar uchun mo'ljallangan Gemini 3.8 Live Extended Thinking modeli bir vaqtning o'zida ham fikrlab, ham so'zlash xususiyatiga ega. U ko'p bosqichli amallarni bajarishda foydalanuvchiga oraliq jarayonlar haqida ovozli xabar berib boradi. Ushbu model Artificial Analysis Speech to Speech indeksida 82.6 ball bilan 1-o'rinni egalladi hamda Big Bench Audio testida 97.7% natija qayd etdi.

Ishlab chiquvchilar ushbu modellarni Agora, LangChain, LiveKit, Pipecat va Vercel kabi platformalar orqali o'z tizimlariga integratsiya qilishlari mumkin. Google AI tomonidan yaratilgan barcha audio oqimlarni axborot xavfsizligi va soxtaliklarning oldini olish maqsadida SynthID ko'rinmas raqamli suv belgilari bilan ta'minlagan.