Mareska derbi oldidan Andersonning «Manchester qirollari» haqidagi gapini qo‘lladi

«Manchester Siti» ustozi Enzo Mareska bo‘lajak Manchester derbisi oldidan jamoa yarimhimoyachisi Elliot Andersonning «shaharliklar» «Manchester qirollari» ekani haqidagi so‘zlarini to‘liq qo‘llab-quvvatladi. Murabbiy uchun bu derbi jamoa boshqaruvidagi ilk jiddiy sinovlardan biri bo‘ladi.

Yozda «Nottingem Forest»dan 116 million funt sterling evaziga xarid qilingan 23 yoshli futbolchi o‘zining bu fikrini so‘nggi 14 yil ichida «Siti» sakkiz marta chempionlikka erishgani, «MYu» esa bor-yo‘g‘i bir bor zafar quchgani bilan asoslagan edi. Mareska ham Anderson ulg‘aygan yillarda «Manchester Siti» maydonda to‘liq hukmronlik qilganini qayd etdi.

«Old Trafford»da kechadigan o‘yin oldidan tarkibdagi yangiliklar ham ochiqlandi: Niko O'Rayli safga qaytishga tayyor, biroq qanot hujumchisi Jeremi Doku jarohati sabab ushbu bahsni o‘tkazib yuboradi.