MLS pley-off tizimini tubdan o'zgartirmoqchi: 20 ta jamoa va yangi format

Shimoliy Amerikaning yetakchi futbol chempionati bo'lmish MLS o'z musobaqa tizimiga katta o'zgarishlar kiritish arafasida. The Guardian nashrining xabar berishicha, liga rahbariyati va klublar 2028-yildan e'tiboran pley-off tizimini jiddiy tarzda isloh qilishni ko'rib chiqmoqda.

Ushbu o'zgarishlar liganing kuz-bahor tizimidagi yangi taqvimga o'tishi bilan bir vaqtda amalga oshirilishi kutilmoqda. Yangi loyihaga ko'ra, pley-off bosqichida 20 tagacha jamoa kurash olib boradi va bahslar Avstraliya futboli formatiga o'xshash "double-elimination" (ikki mag'lubiyatdan so'ng musobaqani tark etish) tizimida tashkil etilishi mumkin.

Rejalashtirilgan taqvimga muvofiq, pley-off o'yinlari aprel oyi oxirida start olib, qariyb uch hafta davom etadi va 2028-yil 21-may kuni MLS Kubogi finali bilan yakunlanadi. Shu bilan birga, MLS hozirgi Sharqiy va G'arbiy konferensiyalar tizimidan voz kechib, jamoalarni beshta alohida divizionga taqsimlashni mo'ljallamoqda.