Obameyang «Deportivo»da Bebetoning 1992-yildagi tarixiy rekordini yangiladi

Ispaniya La Ligasiga qaytgan «Deportivo» safida 37 yoshli tajribali hujumchi Pyer-Emerik Obameyang haqiqiy yetakchiga aylanmoqda. «Vilyarreal»ga qarshi kechgan dramatik bahsda u maydondagi eng yaxshi futbolchi bo'lib, ikkita samarali to'p uzatishidan so'ng 89-daqiqada raqib darvozasiga g'alaba to'pini kiritdi va jamoasiga 3:2 hisobidagi g'alabani keltirdi.

Ushbu muvaffaqiyat forvard uchun ketma-ket to'rtinchi uchrashuvdagi gol bo'ldi. U bungacha «Elche», «Malaga» va «Valensiya»ga qarshi o'yinlarda ham o'z hisobiga gol yozdirib qo'ygan edi. Shu tariqa, Obameyang «Deportivo» safidagi ilk 4 ta o'yinda to'p kiritgan ilk futbolchiga aylandi va afsonaviy Bebetoning 1992-yildagi (ketma-ket 3 ta o'yin) klub rekordini ortda qoldirdi.