Shotlandiyada kattalarning tajovuzkorligi sababli bolalar futboli to'xtatildi

Shotlandiyada 5-6 yoshli bolalar o'rtasidagi «Fun 4s» dasturi doirasida o'tkazilishi kerak bo'lgan uchrashuvlar kattalarning tajovuzkor va intizomsiz xatti-harakatlari sababli bekor qilindi. Ushbu qaror 750 nafar yosh futbolchiga bevosita ta'sir ko'rsatdi.

Ma'lum qilinishicha, yangi mavsumning ilk haftasining o'zidayoq maydon atrofidagi holatlar bo'yicha 72 ta qizil kartochka qayd etilgan. Guvohlarning ta'kidlashicha, kattalar o'rtasida tajovuzkorlik, bir-birini qo'rqitish va hatto kalla bilan zarba berish kabi noxush holatlar yuzaga kelgan.

Tahlilchilarning fikricha, bolalar futbolidagi bu kabi muammolar faqat bitta hudud bilan cheklanib qolmayapti. Ommaviy va bolalar futbolida sog'lom muhitni ta'minlash hamda yosh avlodni sportga to'g'ri yo'naltirish uchun amaldagi intizom choralari va tartib-qoidalarni tubdan qayta ko'rib chiqish talab etiladi.