Tiyerno Barrining dubli "Everton"ga "Koventri" ustidan irodali g'alaba keltirdi

Angliya Premyer-ligasi doirasida "Everton" jamoasi Frenk Lempard boshqaruvidagi "Koventri"ni qabul qilib, qiyin kechgan bahsda irodali g'alabani qo'lga kiritdi. Uchrashuv qahramoniga aylangan Tiyerno Barri raqib darvozasiga ikkita to'p kiritib, joriy mavsum barcha musobaqalardagi gollari sonini 10 taga yetkazdi. Hujumchi to'purarlar poygasida faqatgina Erling Xolanddan ortda qolmoqda.

Bahs davomida "Koventri" ikkita yaqqol penalti talab qilgan vaziyatlar hakam tomonidan inkor etildi. Qolaversa, Barrining ikkinchi goli uning qo'liga tekkan holda kiritilgandek ko'ringani sababli mehmonga aylangan Lempard uchun oqshom og'ir kechdi. O'yin so'ngida Kirnan Dyuzberi-Xoll raqib darvozasini ishg'ol qilib, hisobdagi ustunlikni mustahkamladi.

Ushbu muvaffaqiyat David Moyes shogirdlari uchun Premyer-ligadagi ketma-ket uchinchi g'alaba bo'ldi. Muvaffaqiyatsiz o'tgan transfer oynasiga qaramay, barcha taxminlarni yo'qqa chiqarayotgan mersisaydliklar ayni damda chempionat jadvalida 5-pog'onani egallab turibdi.