#Anduril — so‘nggi yangiliklar

AQSh hukumati janubiy chegarani nazorat qilish uchun milliardlab dollar sarflab, Anduril kompaniyasining sun'iy intellektga asoslangan zamonaviy kuzatuv minoralarini o'rnatgan bo'lsa-da, tizim amalda jiddiy kamchiliklarga ega ekani aniqlandi. MIT Technology Review surishtiruviga ko'ra, 2015-yildan 2026-yil boshigacha kamida 1050 dan ortiq muhojir aynan mana shu kuzatuv minoralari qamrov hududida halok bo'lgan. Tizim odamlarni avtomatik aniqlab, chegarachilarga ogohlantirish yuborishi kerak bo'lsa-da, ko'plab holatlarda insonlar minoralardan bir necha yuz metr masofada vafot etgan va payqilmagan. Anduril'ning eng zamonaviy avtonom minoralari atrofida ham 110 dan ziyod o'lim qayd etilgan.

MIT Technology Review va Times of San Diego nashrlari AQSh-Meksika chegarasidagi sun'iy intellekt bilan jihozlangan kuzatuv minoralari bo'yicha surishtiruv natijalarini e'lon qildi. Tahlillarga ko'ra, sun'iy intellekt algoritmlari odamlarni aniqlay olmagan, minoralar nosoz bo'lgan yoki berilgan ogohlantirishlarga xodimlar javob bermagan holatlar oqibatida ushbu hududlarda 1 050 dan ortiq migrant halok bo'lgan. Hukumat Anduril kabi kompaniyalar texnologiyasiga tayanib, 2034-yilgacha tizimni kengaytirish uchun 1 milliard dollar sarflashni rejalashtirmoqda. Mutaxassislar ushbu nosozliklarni bartaraf etish uchun zudlik bilan to'liq audit o'tkazish va aniqlash ko'rsatkichlarini hisobga olish tizimini joriy qilishni taklif qilmoqda.

Mukofot jamg'armasi 11 million dollar bo'lgan XPRIZE Wildfire tanlovi yakunlandi. Unda sun'iy intellekt, kosmik sun'iy yo'ldoshlar va avtonom dronlar yordamida o'rmon yong'inlarini tezkor aniqlash hamda o'chirish texnologiyalari sinovdan o'tkazildi. Ishtirokchilar yong'inlarni 10 daqiqa ichida aniqlashga muvaffaq bo'lgan bo'lsa-da, alangani to'liq bartaraf eta olmagani sababli bosh sovrin hech kimga nasib etmadi. Shunday bo'lsa-da, Anduril Industries, Dryad Networks va SIRIUS kabi jamoalar yuqori o'rinlarni egallab, pul mukofotlari bilan taqdirlandi.