OpenAI: Halol foydalanish (fair use) barchaga foyda keltiradi

OpenAI kompaniyasi sun'iy intellekt modellarini o'qitish jarayonida 'halol foydalanish' (fair use) tamoyilining o'rni va uning jamiyatga keltiradigan foydalari haqida yangi bayonot bilan chiqdi. Kompaniya o'z blogida AI o'qitish jarayonini qo'llab-quvvatlovchi turli soha ekspertlarining fikrlarini jamladi.

E'lon qilingan materialda ijodkorlar, oliy ta'lim va ilmiy doiralar vakillari, imkoniyati cheklangan shaxslar uchun qulayliklar yaratish bo'yicha mutaxassislar hamda huquqshunoslarning sudlarga taqdim etgan arizalari (court briefs)dan iqtiboslar keltirilgan. Unda sun'iy intellekt tizimlarini mavjud ma'lumotlar bilan o'qitish qonuniy va ijtimoiy jihatdan maqsadga muvofiqligi tushuntiriladi.

Ekspertlarning fikricha, fair use doktrinasi texnologik taraqqiyotni to'xtatib qo'ymaslik, AI tizimlarini yanada xavfsiz va hammabop qilish hamda innovatsiyalarni rag'batlantirishda muhim omil bo'lib xizmat qiladi. OpenAI mazkur huquqiy mexanizm AI rivojlanishi orqali butun jamiyatga xizmat qilishini alohida ta'kidlamoqda.